ઈમરાનને ખતરનાક ગુનેગારો સાથે 'C કેટેગરીની' જેલમાં ધકેલાયા:એક સમયે હેલિકોપ્ટરમાં ઉડતા ઈમરાને જેલમાં માત્ર એક જ પંખાના આધારે રાત વિતાવી, આ જેલ અંગ્રેજોએ બનાવી હતી

પાકિસ્તાનના ભૂતપૂર્વ વડાપ્રધાન ઈમરાન ખાનને અડિયાલા સેન્ટ્રલ જેલને બદલે અટક જેલમાં ખસેડવામાં આવ્યા છે, જે સી ગ્રેડની છે અને તેમાં ખુબ જ ઓછી સુવિધાઓ છે. તેમાં ખતરનાક કેદીઓને રાખવામાં આવે છે. એ ગ્રેડની જેલમાં રાજકીય કેદીઓને રાખવામાં આવે છે. પૂર્વ પીએમ નવાઝ શરીફને અટક કિલ્લામાં રાખવામાં આવ્યા હતા જો કે તે અલગ છે.

તોશાખાના કેસમાં ઈમરાન ખાનને ત્રણ વર્ષની જેલની સજા સંભળાવ્યા બાદ કોર્ટે ઈસ્લામાબાદ પોલીસને તેની ધરપકડ કરીને અ઼િયલ જેલમાં લઈ જવા કહ્યું હતું. પરંતુ પંજાબ પોલીસ તેને માત્ર અટક જેલમાં લઈ ગઈ હતી. લાહોર પોલીસને પહેલાથી જ એલર્ટ રહેવાનું કહેવામાં આવ્યું હતું અને તેમને જમાન પાર્ક સ્થિત તેમના ઘરેથી ઝડપી લીધા હતા.

અટક જેલ અંગ્રેજો દ્વારા બનાવવામાં આવી હતી
ઈમરાન ખાનનું મેડિકલ કરાવવાને બદલે પોલીસ તેને સીધો જેલમાં લઈ ગઈ અને વકીલોને મળવા પણ ન દીધા. આ નિર્ણય તેમના માટે મોટો ઝટકો છે કારણ કે તેઓ આવતા વર્ષની ચૂંટણી લડી શકશે નહીં. તેમની પાર્ટી તહરીક-એ-ઈન્સાફના વડા પણ ચાલુ રાખી શકશે નહીં.

પાકિસ્તાનના સૌથી મોટા પ્રાંત પંજાબમાં માત્ર બે જ જેલ છે જ્યાં કેદીઓ માટે 'A' વર્ગની સુવિધાઓ આપવામાં આવી છે. આ બે જેલમાં બહાવલપુર જેલ અને રાવલપિંડીની અડિયાલા જેલનો સમાવેશ થાય છે.

67 એકરમાં ફેલાયેલી અટક જેલ 1905-06માં બ્રિટિશ શાસકો દ્વારા બનાવવામાં આવી હતી.જેલમાં કોઈ એસી નથી.જેલના એક અધિકારીએ જણાવ્યું કે અટક જેલમાં ઈમરાન ખાન માટે VVIP સેલ બનાવવામાં આવ્યો છે. પરંતુ તેમાં AC નથી, માત્ર પંખો છે. ત્યાં એક બેડ અને વોશરૂમ છે. આ જેલમાં પ્રથમ વખત કોઈ પૂર્વ વડાપ્રધાન આવ્યા છે.

ઈમરાનના સમર્થનમાં દેશમાં કોઈ ખાસ વિરોધ નથી
આ વખતે ઈમરાન ખાનની ધરપકડ બાદ પાકિસ્તાનમાં ક્યાંય ખાસ વિરોધ દેખાઈ રહ્યો નથી. કરાચીમાં વિરોધ પ્રદર્શન દરમિયાન તેમના 19 સમર્થકોની અટકાયત કરવામાં આવી છે. પંજાબ પ્રાંતના ઘણા જિલ્લાઓમાં સાવચેતીના પગલા તરીકે કલમ 144 લાગુ કરવામાં આવી છે. અગાઉ મે મહિનામાં ઈમરાન ખાનની ભ્રષ્ટાચારના કેસમાં ધરપકડ કરવામાં આવી હતી.

જે બાદ સમગ્ર પાકિસ્તાનમાં અશાંતિ ફેલાઈ હતી અને સૈન્ય ઠેકાણાઓ પર હુમલા કરવામાં આવ્યા હતા. ઈમરાન ખાનના સમર્થકોએ દેશમાં ભારે હિંસા આચરી હતી. તેની સામે આતંકવાદ, ઈશનિંદા અને ભ્રષ્ટાચારના 140થી વધુ કેસ છે.

પોલીસ ઈમરાનને લંચ ટેબલ પરથી ઉઠાવીને લઈ ગઈ હતી
ડેઈલી પાકિસ્તાનના રિપોર્ટમાં ખુલાસો થયો છે કે જ્યારે પોલીસ ઈમરાનની ધરપકડ કરવા પહોંચી ત્યારે તે લંચ કરી રહ્યા હતા. તેમણે લંચ અધવચ્ચે જ છોડીને પોલીસ સાથે જવું પડ્યું. પીટીઆઈનો આરોપ છે કે પોલીસે ખાનના વકીલને મળવા દીધા ન હતા.

રિપોર્ટ અનુસાર, પોલીસ ટીમે ઘરની અંદર મેસેજ કર્યો કે ખાનની ધરપકડ કરવાની છે, તેમને બહાર મોકલવામાં આવે. અંદરથી મેસેજ મળ્યો કે સાહેબ લંચ કરી રહ્યા છે. આ પછી પોલીસ ટીમ અંદર ગઈ અને ખાનને કહ્યું તમે લંચ પછી​​​​​​​ કરી લેજો, અત્યારે અમારી સાથે ​​​ચાલો.

ખાન તે સમયે બ્લુ ટ્રેક સૂટમાં હતા. તેણે ડ્રેસ બદલવાની મંજુરી માંગી. અધિકારીએ આની પણ મંજુરી આપવાનો ઇનકાર કર્યો હતો. જ્યારે ખાન પોલીસ સાથે બહાર આવ્યા ત્યારે તેના અંગત સુરક્ષાકર્મીઓ એકસાથે ચાલવા લાગ્યા. પોલીસ અધિકારીએ સખ્કાઈ બતાવીને તેમને રોક્યા હતા.

માર્ચમાં પણ પોલીસ ઈમરાનની ધરપકડ કરવા લાહોરના જમાન પાર્કમાં તેના આલીશાન ઘરમાં પહોંચી હતી. તે સમયે ખાનના સમર્થકોએ ત્યાં પહેલાથી જ બંકરો બનાવી દીધા હતા. પોલીસ અને રેન્જર્સ પર ફાયરિંગની સાથે અહીંથી પેટ્રોલ બોમ્બ પણ ફેંકવામાં આવ્યા હતા.